Խոսակցություններ կան, որ ՀՀԿ ցուցակից դուրս են մնալու ավագ սերնդի հանրապետականները՝ Կարախանյան, Զոհրաբյան: Խոսվում է նաև, որ Սաշիկ Սարգսյանն այս անգամ չի առաջադրվելու պատգամավոր:
Այսօր ՀՀԿ խմբակցության քարտուղար, ԱԺ պատգամավոր Էդուարդ Շարմազանովից հետաքրքրվեցինք, թե հնարավո՞ր է այս անգամ ՀՀԿ նախընտրական ցուցակը անակնկալներ մատուցի ընտրողին, ինչին Էդուարդ Շարմազանովը պատասխանեց. «ՀՀԿ-ն ընտրությունների հետ կապված որևէ հարց չի քննարկել: Նման հայտարարությունները երևակայության արդյունք են»:
Մեր այն դիտարկմանը, թե ընտրացուցակը ե՞րբ կհստակեցվի՝ Էդուարդ Շարմազանովն արձագանքեց. «Սովորաբար կուսակցությունները այդ հարցին անդրադառնում են նախընտրական գործընթացների ժամանակ: Դա կլինի մեր ընտրական համագումարից հետո, որը կլինի նոյեմբերին»:
