Լուրեր
Առաջարկում եմ նաև ԱԺ շենքը տալ հիվանդանոցային կարիքների համար. Արման Բաբաջանյան
  • 11:44
  • 2020-06-04
  • Դիտումներ՝ *

Այսօր՝ հունիսի 3-ին, Ազգային ժողովում հրավիրվեց արտահերթ նիստ` կապված համավարակի հետ:  Այժմ քննարկվում է Ժամանակավոր անաշխատունակության և մայրության նպաստների մասին օրենքում լրացումներ կատարելու օրինագիծը 2-րդ ընթերցմամբ ընդունելու մասին հարցը:

Անկախ պատգամավոր Արման Բաբաջանյանը նշեց, որ համավարակի վիճակը գնալով լարվում է, և կարծես Ազգային ժողովը անհաղորդ է. «Երեկ և այսօր մենք լսում ենք, որ հիվանդանոցները գերբեռնված են, մահճակալների տեղ չկա: Ես առաջարկում եմ, որ համայնքային սեփականության շենքերը, համայնքապետարանները, մարզպետարանները և, եթե անհրաժեշտ է, Ազգային ժողովը և մյուս հաստատությունները մենք տրամադրենք հիվանդանոցային կարիքների համար»:

Նա նշեց` պետք է ցույց տալ, որ մենք ականջալուր ենք բժիշկների հորդորներին. «Ես կարծում եմ, որ հիվանդներին չպետք է թողնենք ծանր իրավիճակում իրենց տներում: Հորդորում եմ նիստից հետո գնալ փողոց և օգնել բժիշկներին ու ոստիկաններին: Կարծում եմ նաև, որ արտահերթ նիստի օրակարգ ունենք` այստեղ հրավիրելու առողջապահության նախարարին, պարետին և ոստիկանապետին և ստեղծված իրավիճակում լուծումներ գտնելու»:

 

Մանրամասները՝ տեսանյութում:

  • Դիտումներ՝ *