Բանկերի դիմաց մեծ հերթեր են։ Տասնյակ քաղաքացիներ կուտակվել են բանկերի դիմաց՝ տարբեր գործարքներ կատարելու համար։ Նրանցից շատերը անգամ մեկ ժամ սպասում էին հերթում՝ չպահպանելով սոցիալական հեռավորությունը, միևնույն ժամանակ «Առաջին լրատվական»-ի հետ զրույցում դժգոհելով տիրող իրավիճակից և այս ճանապարհով վիրուսի արագ տարածման ռիսկից։
Հերթում սպասող քաղաքացիներից շատերը բանկերի տրամադրած վարկային արձակուրդից չէին օգտվել, իսկ ոմանք էլ եկել էին, ինչպես իրենք են նշում, նոր վարկ վերցնելու՝ կուտակած նախկին վարկերը մարելու համար։ Քաղաքացիները մեզ հետ զրուցում նշեցին, որ օնլայն կամ տերմինալի միջոցով վճարումներ չեն ցանկանում կատարել, քանի որ համակարգի տեխնիկական խնդիրների պատճառով իրենց վճարած գումարը շատ դեպքերում համակարգում չի երևում, ինչն էլ ազդում է նրանց վարկայինն պատմության վրա։
Մանրամասները՝ տեսանյութում