«Առաջին լրատվականի» տեսախցիկը Գրիգոր Լուսավորիչ եկեղեցու հարակից այգում արձանագրեց, որ եկեղեցու առաջին հարկը վերածվել է հասարակական զուգարանի: Բացի այդ՝ եկեղեցու տարածքը վերածված է աղբանոցի և առհասարակ անխնամ է, ինչն առաջացնում է թե՛ տեղացիների, թե՛ սփյուռքահայերի զարմանքը և հիասթափությունը: Իսկ մենք կուրծք ենք ծեծում, թե ադրբեջանցիներն ու թուրքերը ոչնչացնում և գոմերի են վերածում մեր եկեղեցիներն ու պատմական ժառանգությունը: Ստեղծված իրավիճակը թերևս գալիս է վկայելու, որ մենք ոչ թե եղածը պահպանող, գնահատող ազգ, պետություն, ժողովուրդ, քաղաքացի ենք, այլ ընդամենը կորցրածի հետևից լացող: Ամեն դեպքում առաջարկում ենք ստեղծված իրավիճակին ծանոթանալ տեսանյութի միջոցով:
