Նախ ֆիքսենք, որ Հայաստանը չունի սեփական արտադրության գազ, այն ներմուծվում է, իսկ այդ դեպքում՝ գնագոյացումը բազմաթիվ բաղադրիչներից է կազմված: Այս մասին «Առաջին լրատվական»-ի հետ զրույցում նշեց «Իմ քայլը» խմբակցության պատգամավոր Հայկ Գևորգյանը:
«Իհարկե, տհաճ է, որ գազի գինը կարող է բարձրանալ, բայց այնպես չի, որ դա մեզնից է կախված: Երկրորդ, Հանրային ծառայությունները կարգավորող հանձնաժողովի առաջարկները գազի սակագնի բարձրացման իմաստով ավելի համեստ է, քան «Քազպրոմ Արմենիայի» հայտը: Կարծեմ միջին կշռված 4 տոկոսի աճ կլինի: մենք պետք է նայենք, թե դա ինչպես կազդի Հայաստանում ընդհանուր գնաճի վրա: Այդ ազդեցությունը գների վրա հարյուրերորդական կլինի՝ հաշվի առնելով գազի գնի ազդեցությունը ընդհանուր սպառողական զամբյուղի վրա»,-ասաց պատգամավորը: