Business-Грузия-ի փոխանցմամբ՝ Վրաստանում ստեղծվում է «Տուրիստական Google»։ Այդպես են անվանել այն նոր համակարգը, որն իրականացնելու է Վրաստանի զբոսաշրջության մասին տեղեկատվության որոնողական աշխատանքներ։
Յուրաքանչյուր ցանկացող կարող է travelgis.ge կայքում գտնել սպառիչ տեղեկատվություն՝ Վրաստանի զբոսաշրջային երթուղիների ու հուշարձանների մասին։ Կայքի գլխավոր նախագիծը ստանալու է «Ձեզ համար աշխույժ երթուղի» անվանումը։
Այս նախագծի հեղինակներից, նախագծի ղեկավար Կոտե Բաուլաձեի խոսքերով, օգտատերերը կարող են անցնել կոնկրետ երթուղուն առնչվող վիրտուալ ճանապարհով և ծանոթանալ ճանապարհին ընկած բոլոր տեսարժան վայրերի հետ.
«Կայքում տեղեկատվությունը հասանելի է կլինի 15 լեզուներով։ Նախագիծն իր նշանակությամբ ու նպատակներով լինելու է աննախադեպ։ Կան բազմաթիվ զբոսաշրջային կայքեր, սակայն դրանց մեծամասնությունն ունի կոմերցիոն նշանակություն։
Մեր նպատակը զբոսաշրջության ազգային գեոտեղեկատվական համակարգի ստեղծումն է և դրա ինտեգրումը համաշխարհային գեոտեղեկատվական համակարգում»։
Հիշեցնենք, որ վրացական կողմն ակնկալում է, որ այս տարի Վրաստան կայցելի 3 միլիոն զբոսաշրջիկ։
