Օրական կորոնավիրուսով հիվանդացության ցուցանիշով Բրազիլիան առաջ է անցել ԱՄՆ-ից՝ օրական ավելի քան 22 հազար նոր վարակվածներ: Այս մասին են վկայում Worldometers կայքում հրապարակված տվյալները:
Անցած մեկ օրվա ընթացքում Բրազիլիայում հաստատվել է հիվանդության 22 301 նոր դեպք, այն դեպքում, երբ ԱՄՆ-ում այն եղել է 20 546:
Ընդամենն ամբողջ աշխարհում կորոնավիրուսով արդեն հիվանդացել է 5 794 000 մարդ, 357 509 հիվանդներ մահացել են, 2 499 544-ը՝ ապաքինվել:
Համաձայն Worldometer- ի՝ կորոնավիրուսից մահացության մակարդակը աշխարհի բնակչության 1 միլիոնով կազմում էր 45.9՝ չորեքշաբթի օրվա 45,2-ի դիմաց: ԱՄՆ-ում այն հասել է 309 մարդու, Իսպանիայում՝ 580, Մեծ Բրիտանիայում՝ 552, Իտալիայում՝ 547, Բրազիլիայում՝ 121, Ֆրանսիայում՝ 438, Գերմանիայում՝ 102, Թուրքիայում՝ 53, Իրանում՝ 90, Հնդկաստանում՝ 3, Պերուում՝ 121, Չինաստանում՝ 3:
