«Որպես Հայաստանի քաղաքացի՝ ես ուրախ եմ, որ ավելորդ աղմուկ չկա երկրում, բայց ես ոչ մի բանի չեմ հավատում: Լավ է, որ իրար հետ նստել են սեղանի շուրջ, ոչ թե գլուխ են ջարդում: Իսկ հավատիս բացակայության պատճառը վերջին 20 տարվա իմ ապրած կյանքն է: Ես Լևոն Տեր-Պետրոսյանին ընդհանրապես չեմ ճանաչում: Այս առումով ես անբիծ անհավատներից եմ: Հետևաբար՝ չեմ ցանկանում, որ նա իշխանության գա:
Իշխանության խնդիրն էլ է պարզ՝ իշխանությունը ցանկանում է իր իշխանությունը պահպանել: Շատ հեշտությամբ իշխանության եկան ժողովրդական էդ ազգային զարթոնքի վրա, հետևաբար կարծում են՝ հեշտ գործ է իշխանություն ստանալն ու պահպանելը: Հիմա նորից կխաղան: Իսկ այդ խաղը ինձ դուր չի գալիս»,- այս մասին մեզ հետ զրույցում անդրադառնալով երկխոսությանն ու կողմերի առաջ քաշած խնդիրներին՝ ասաց ԱԺ ՀՅԴ-ական պատգամավոր Ալվարդ Պետրոսյանը:
