ՄԻԵԴ-ը երեկ հրապարակեց Հայաստանի համար շատ կարևոր մի վճիռ, որով արձանագրեց, որ Ադրբեջանը հայ սպա Գուրգեն Մարգարյանի սպանության հարցում խախտել է կյանքի իրավունքն ու խտրականության արգելքը։ «ՄԻԵԴ-ի այս որոշումն Ադրբեջանի հայատյաց քաղաքականության դեմ կայացրած դատավճիռ է», -հայտարարել է ԱԳՆ-ն։ ԱԺ «Իմ քայլը» խմբակցության պատգամավոր Արման Բոշյանը շատ կարևոր է համարում, որ վճիռը ունենա արդյունք, այլ ոչ թե զուտ արձանագրում։ Նա գտնում է, որ խորհրդարանը այստեղ մեծ անելիք ունի։
Պատգամավորը չի ընդունում մեղադրանքները, թե իրենց իշխանությունը ձախողել է կորոնավիրուսի դեմ պայքարը, հակառակը՝ պնդում է՝ ամեն ինչ արվում է՝ըստ անհրաժեշտության։ Արման Բոշյանի կարծիքով՝ այսօր խորհրդարանում և առհասարակ, քաղաքական դաշտում բովանդակություն փոխելու խնդիր կա, քանի որ, ըստ նրա, քարտեզագրվում է մեր վաղվա քաղաքական օրակարգը։
