Cbs Outdoor-Europe ընկերության և Doxa գիտահետազոտական կենտրոնի կողմից eBay ինտերնետ աճուրդների կայքի համար կատարված հետազոտությունը ցույց է տվել, որ իտալացիները համատարած հետաքրքրված են բջջային հեռախոսներով: Եթե անձնական համակարգիչների քանակով Իտալիան շարունակում է մնալ եվրոպական հետամնաց երկրների թվում, ապա բջջային հեռախոսների և սմարթֆոնների թվով Իտալիան Եվրոպայում առաջին տեղում է:
Ավելի քան 20 միլիոն իտալացի ունի սմարթֆոն, իսկ բնակչության 99%-ն ունի առնվազն մեկ բջջային հեռախոս, մինչդեռ ողջ Եվրոպայում այդ ցուցանիշը կազմում է 96%: Իտալացիները տարեկան ծախսում են 2 միլիարդ եվրո նոր տեխնոլոգիաների, ինչպես նաև դրանց համար նորարարական պարագաներ գնելու համար: Ամենապահանջվածը iPhone հեռախոսներն են:
Իտալացիների 43%-ը հայտարարել է, որ իրենք շատ են կապված այդ սարքերի հետ, իսկ 38%-ը պնդում է, որ պարբերաբար թարմացնում են հեռախոսների ծրագրերը և նոր հավելվածներ են ձեռք բերում:
