Գերմանիայի ԱԳՆ ղեկավար Հայկո Մաասը մեկնաբանել է բաց երկնքի պայմանագրից ԱՄՆ դուրս գալու որոշումը։ Այս մասին հաղորդում է ՌԻԱ «Նովոստին»։
Նա նշել է, որ «շատ է ափսոսում» ԱՄՆ նախագահ Դոնալդ Թրամփի այս որոշման կապակցությամբ։
Նախարարը նաև հավելել է, որ գերմանական կողմը մտադիր է շարունակել հավատարիմ մնալ համաձայնագրին, ինչպես նաև ջանքեր գործադրել դրա հետագա պահպանման համար։
«ԱՄՆ-ի՝ պայմանագրից դուրս գալը կկրճատի պայմանագրի կիրառության տարածքը, և այս պայմանագրի ընդհանուր ռեժիմը կթուլանա»,- ընդգծել է Մաասը։
Նա նաև նշել է, որ Գերմանիան այլ երկրների հետ համատեղ մտադիր է փորձել համոզել ամերիկյան ներկայացուցիչներին՝ վերանայել իրենց ընդունած որոշումը։