Սիրիացի գործարար Ռամի Մախլուֆը, որին կառավարությունը մեղադրում է պատերազմի ընթացքում եկամուտները թաքցնելու և հարկերից խուսափելու մեջ, հրաժարվել է թողնել Syriatel բջջային կապի ընկերության ղեկավարի պաշտոնը, հաղորդում է Aharq Al-Awsat թերթը՝ հղում անելով գործարարի հայտարարությանը:
«Իշխանությունները ասել են, որ նրանք կզրկեն Syriatel-ին արտոնագրից և կալանք կդնեն նրա հաշիվների վրա, եթե ես վայր չդնեմ իմ լիազորությունները, սակայն ես կոչ եմ անում նրանց չգնալ նման ծայրահեղ միջոցների», – հայտարարել է Մախլուֆը, նշելով, որ նախկինում ընդառաջել է իշխանությունների պահանջներին՝ պատրաստակամություն հայտնելով վճարել 178 միլիոն դոլարի չափով կուտակված հարկային պարտավորությունը:
Գործարարի խոսքով ՝ իր հրաժարականը Syriatel-ի ղեկավարի պաշտոնից, ընկերության համար աղետաբեր կլինի, որը, ըստ Մախլուֆի, «հաջողությամբ աշխատում և տարիներ շարունակ շահույթ է բերում պետությանը»:
Ռամի Մախլուֆը Սիրիայի նախագահ Բաշար Ասադի զարմիկն է: Syriatel-ը, որը նա գլխավորում է, Սիրիայի ամենամեծ բջջային օպերատորն է, որը ծածկում է այս շուկայի 70% -ը:
Հրապարակման համաձայն, եթե Մախլուֆը հրաժարվի կարգավորել խնդիրները իշխանությունների հետ, Syriatel-ը, ամենայն հավանականությամբ, կանցնի պետությանը:
