Չինաստանի Գուանդուն նահանգում գտնվող տատանվող Հումեն ծովային կամուրջը պատկերող կադրերը հայտնվել են համացանցում:
Ավելի վաղ Global Times պորտալը հաղորդել էր, որ կամրջի տատանումները նկատել են մայիսի 5-ին: Իշխանությունները հետաքննություն են սկսել: Մասնակիցներից մեկը՝ Կամուրջների և շինարարական կառույցների միջազգային ասոցիացիայի նախագահ Գե Յաոցզյունը ենթադրել է, որ դա պայմանավորված է կամուրջի վրա 1.2 մետր բարձրությամբ վթարային պլաստիկ արգելապատնեշների առկայությամբ:
Դրանք տեղադրվել են կառույցի վերանորոգման ընթացքում: Փորձագետները կարծում են, որ արգելապատնեշները փոխել են կամրջի աերոդինամիկան և հանգեցրել տատանումների ի հայտ գալուն, որոնք առաջանում են այն ժամանակ, երբ քամին հասնում է որոշակի արագության:
Նույն օրը արգելապատնեշները հանվել են, բայց կամուրջը շարունակում է տատանվել: Կառավարող ընկերությունը հայտարարել է, որ կառույցը տատանվում է իներցիայով, և ժամանակի ընթացքում դրանք կդադարեն:
Կամուրջը միացնում է Գուանչժոու և Դոնգուան քաղաքները: Արտակարգ իրավիճակի պատճառով այն ժամանակավորապես փակվել է ավտոմեքենաների համար: