Վրաստանի վարչապետ Գեորգի Գախարիայի հրահանգով երկրի էկոնոմիկայի նախարարությունն աշխատում է զբոսաշրջությանն աջակցության կոնկերտ հակաճգնաժամային ծրագրի վրա: Այս մասին ասել է էկոնոմիկայի նախարար Նատիա Տուրնավան:
Նրա խոսքով, զբոսաշրջությունը տնտեսության այն ճյուղերից է, որն այսօր օգնության և աջակցության կարիք ունի:
Ինչպես նշել է նախարարը, առ այսօր զբոսաշրջությունը մեծ ներդրում է ունեցել Վրաստանի տնտեսության մեջ և հանդիսացել է խոշոր գործատու: Ապագայում նոր պահանջներ ի հայտ կգան այս ոլորտի համար:
Նախարարը հայտարարել է, որ անհրաժեշտ է անել ամենը, որպեսզի Վրաստանում զբոսաշրջության բիզնեսն ու արդյունաբերությունը համապատասխանեն, այսպես կոչված, հետհամաճարակային ժամանակաշրջանի նոր պահանջներին:
«Մենք կլինենք առաջին երկրներից մեկը, որը կբացի անվտանգ միջանցքներ այլ երկրների հետ, և զբոսաշրջիկների հոսքը նորից կվերականգնվի»,- ասել է Նատիա Տուրնավան:
Նրա խոսքով, նախագիծն արդեն մշակման փուլում է, և կառավարության հետ համաձայնեցնելուց հետո, կներկայացվի զբոսաշրջության ոլորտին:
