Շվեդիայի արտաքին գործերի նախարար Անն Լինդեն բացատրել է, թե ինչու երկիրը բնակչության համար կորոնավիրուսային խիստ սահմանափակումներ չմտցրեց, քանի որ «կողպեքի տակ» փակված տանը նստելը վնաս է մարդկանց առողջության համար:
Այս մասին հայտնում է Politico-ն:
Լինդեն հերքել է այն մեղադրանքը, թե Շվեդիան բավարար միջոցներ չի ձեռնարկում համաճարակի զսպման համար:
Նա նշել է, որ կառավարությունը, ի թիվս այլ բաների, սկսել է փակել այն ռեստորանները, որտեղ խախտում են սոցիալական հեռավորության կանոնները, և արգելել է այցեր կատարել ծերանոցներ: Ըստ նրա՝ «սա մարաթոն է, այլ ոչ թե սպրինտ», և քաղաքականությունը «պետք է լինի այն մակարդակի վրա, որը ընդունելի կլինի մարդկանց համար»:
Բացի այդ, Շվեդիայի հանրային առողջության գործակալությունը կարծում է, որ բացօթյա զբոսանքները լավ են մարդկանց համար: «Եթե փակված եք տանը, ապա դեպրեսիայի, ընտանեկան բռնության, ալկոհոլի չարաշահման վտանգ կա», – ասել է նախարարը:
Այնուամենայնիվ, շվեդական մոտեցման քննադատները նշում են, որ երկրում COVID-19-ից մահացության մակարդակը շատ ավելի բարձր է, քան նրա սկանդինավյան հարևաններինը:
