Աշխատանքի միջազգային կազմակերպության (ԱՄԿ) փորձագետները կանխատեսում են գործազրկության հետ կապված իրավիճակի վատթարացում ամբողջ աշխարհում՝ երկրների կողմից կորոնավիրուսի դեմ սահմանափակող միջոցառումների երկարաձգման պատճառով, ասվում է ԱՄԿ-ի զեկույցում:
Ըստ ԱՄԿ-ի փորձագետների, մոտ 1.6 միլիարդ, որոնք ներգրավված են եղել տնտեսության ոչ ֆորմալ հատվածներում, այսինքն աշխարհում աշխատուժի գրեթե կեսը, կկորցնի ապրուստի միջոցները, իսկ մոտ 305 միլիոն մարդ գործազուրկ կդառնա՝ կորցնելով լրիվ դրույքով աշխատատեղը (շաբաթական 48 ժամ), եթե երկրների իշխանությունները երկարաձգեն մեկուսացման ռեժիմը:
Ճգնաժամի առաջին ամսին ամբողջ աշխարհում նրանք կորցրել են միջին եկամտի 60%-ը, Աֆրիկայում՝ 81%-ը, Ասիա-խաղաղօվկիանոսյան տարածաշրջանում՝ 21.6%, Եվրոպայում և Կենտրոնական Ասիայում 70%-ը: Ըստ ԱՄԿ փորձագետների, առանց եկամտի այլընտրանքային աղբյուրների այս մարդիկ և նրանց ընտանիքները չեն կարողանա գոյատևել:
Ըստ ԱՄԿ փորձագետների, աշխարհում ավելի քան 436 միլիոն ձեռնարկություններ բախվել են աշխատանքի խափանման լուրջ ռիսկերի, դրանցից 232 միլիոնը՝ մեծածախ և մանրածախ առևտրի, 111 միլիոնը՝ վերամշակող արդյունաբերության, 51 միլիոնը՝ հյուրանոցային և սննդի ոլորտներում, 21-ը՝ անշարժ գույքի ոլորտում:
