Ֆրանսիայում զույգը երկրի հարավ-արևմուտքում գտնվող Բելաբեր գյուղում մի փոքրիկ տուն է գնել և 20-րդ դարի սկզբից ի վեր պատի մեջ փակված գաղտնի սենյակ է գտել: Այդ մասին հայտնում է The Sun-ը:
Սեփականատերերի խոսքով, սենյակում թանգարան կբացվի՝ ի հիշատակ այն ընտանիքի, որն Առաջին համաշխարհային պատերազմի տարիներին ապրել է այդ տանը:
Գնված տան նոր տերերը ապամոնտաժել են աղյուսը, որից հետո նրանք փոքրիկ ննջասենյակ են գտել`անցյալ դարի սկզբի պահպանված ինտերիերով: Պատին կախված էր երիտասարդ զինվորի դիմանկարը, որն այդ ժամանակ այստեղ է ապրել:
Ավելի ուշ պարզվել է, որ լուսանկարում պատկերված է ֆրանսիական բանակի 22-ամյա լեյտենանտ Հյուբերտ Ռոչերոն, որը մահացել է 1918 թվականի ապրիլի 26-ին Ֆլանդրիայում (Բելգիա) տեղի ունեցած մարտում: Նրան թաղել են մահվան վայրում՝ Լոքեր գյուղում, իսկ ավելի ուշ՝ 1922-ին, մասունքները տեղափոխվել են ընտանեկան կալվածք: Բացի այդ, տղամարդը հետմահու պարգևատրվել է քաջության և արիության համար մեդալով: Երիտասարդ զինվորի ընտանիքը որոշել է չդիպչել ննջասենյակին՝ նրա մուտքը փակելով աղյուսով:
1935-ին Ռոչերոն տեղափոխվել է Բելաբրեից և ունեցվածքը թողել ֆրանսիացի գեներալ Էժեն Բրիդուին: Նա տեղյակ էր հին տանտերերի գաղտնիքի մասին և չի փորձել բացել պարսպապատ սենյակը: Երկրորդ համաշխարհային պատերազմի ժամանակ նացիստները գրավել են այն: 1940-ականների սկզբին գեներալ Բրիդուն դառնում է նացիստական բանակի նախարար, իսկ գերմանական Ռեյխի պարտությունից հետո փախել է Իսպանիա: 1955-ին ռազմական ղեկավարը դատապարտվեց մահվան, իսկ նրա ողջ ունեցվածքը աճուրդի հանվեց:
Տունը գնել է Բրիդուի թոռնուհին: Նրանք այդ տանն են ապրել մինչեւ 2014 թվականը՝ պահելով տան գաղտնիքը: Այնուհետև հասարակությունը տեղեկացավ այս կալվածքի մասին, մասնավորապես, The Guardian-ը գրել էր տեղական խորհրդավոր մասունքների մասին այն բանից հետո, երբ վերջին տերերը լքել էին տունը:
Շենքը դատարկ էր վեց տարի, մինչև այս տարվա հունվար-փետրվարին այն կրկին գնվեց: Նոր տերերը չգիտեին, որ տան նախկին տերերն ավելի քան մեկ դար պահպանում էին Հյուբերտ Ռոշերոյի ննջասենյակը:
