Ֆրանսիայում, համաճարակի սկսվելուց ի վեր առաջին անգամ, հոսպիտալացված հիվանդների թիվը նվազել է:
Այս մասին գրում է Le Figaro-ն:
Անցած մեկ օրվա ընթացքում կորոնավիրուսից մահացությունների ընդհանուր թիվը հասել է մինչև 17167-ի: Դրանցից 10643-ը մահացել է հիվանդանոցներում, 6524-ը՝ ծերանոցներում և այլ բժշկական ու սոցիալական հաստատություններում:
Օրվա վերջին ցուցանիշն աճել է 1054-ով՝ երեքշաբթի երեկոյան 5470-ից հետո: Նման կտրուկ աճը բացատրվում է տվյալների ստացման ձգձգմամբ:
Դրա շնորհիվ մահացությունների ընդհանուր թիվը անմիջապես ավելացել է 1438-ով, որոնցից 1054-ը՝ նրանք, ովքեր մահացել են ծերանոցներում և 384-ը՝ մահացել են հիվանդանոցներում:
Համաճարակի սկսվելուց ի վեր առաջին անգամ հոսպիտալացվածների թիվը նվազել է` երեքշաբթի օրվա համեմատությամբ 513 մարդ:
Նաև 7-րդ օրն անընդմեջ, վերակենդանացման բաժանմունքներում է հիվանդների թիվը նվազում է: Չնայած դրան, որոշ շրջաններում առողջապահական համակարգի վրա բեռը դեռ շատ մեծ է:
Ընդհանուր առմամբ 6457 հիվանդ գտնվում է վերակենդանացման բաժանմունքներում:
