Յուքոմ և Բիլայն ընկերությունների համակենտրոնցման հայտի հետ կապված ՏՄՊՊ հանձնաժողովն անցկացրել է ուսումնասիրություն, ուսումնասիրել է 600 և ավելի փաստաթուղթ, հանդիպումներ է ունեցել երկու կողմերի հետ, իրականացվել է վարույթ, որը հրապարակվել է լրատվամիջոցների ներկայությամբ։ Այս մասին ասուլիսի ժամանակ ասաց ՏՄՊՊՀ հանձնաժողովի նախագահ Գեղամ Գևորգյանը։
«Մարտի 19-ին հանձնաժողովը, հաշվի առնելով հանրային առողջության պաշտպանման անհրաժեշտությունը և արտակարգ դրության ռեժիմը, կասեցրել է բոլոր նիստերը, այդ թվում Յուքոմ և Բիլայն ընկերությունների համակենտրոնացման գործընթացը։
Հանձնաժողովը դեռ չի ավարտել ուսումնասիրությունը չի ավարտել, համակենտրոնացումը թույլ տալու, թույլ չտալու կամ որև պայմանով թույլ տալու մասին որոշում չկա։ Հանձնաժողովն այս պահին չունի որևէ դիրքորոշում և վարույթն սկսվելուն պես գործընթացը կշարունակենք։ Յուքոմում տեղի ունեցած երեկվա իրադարձությունը որևէ կապ չունի հանձնաժողովի որոշման հետ»։
