Նիդերլանդացի երկարակյաց կինը դարձել է աշխարհի ամենատարեց հիվանդը, որն ապաքինվել է COVID-19-ից, հաղորդում է NLTimes.nl կայքը:
Կոռնելիա Ռասը, որը մարտի 17-ին նշել է իր 107-ամյակը, մեկն է տարեցների տան բնակիչներից, որոնք կորոնավիրուսով վարակվել են մարտի կեսերին՝ եկեղեցի այցելելուց հետո: Ռասի և նրա 40 հարևանների կորոնավիրուսի ախտորոշման թեստը դրական է եղել:
Երկարակյաց կինը ավելի քան երկու շաբաթ բուժվելուց հետո լիովին ապաքինվել է: Տարեցների տան մյուս բնակիչներն ավելի ծանր են տարել հիվանդությունը. արդեն 12 մարդ է մահացել:
Առողջապահության համաշխարհային կազմակերպության (ԱՀԿ) տվյալներով, Ռասը կարող է լինել ամենատարեց մարդը, որն ապաքինվել է COVID-19-ից:
