Լուրեր
Արվեստը «Բջնի» ու «Ջերմուկ» չի, որ վաճառես, այն պետք է մնա բարձր․ Վանիկ Մկրտչյան

Հին ճապոնիայում համարվում էր, որ արվեստագետն այն մարդն է, ով ամեն օր ծառայություն է մատուցում արվեստին: Եվ այն օրը, երբ արվեստագետը հասկանում էր, որ այլևս չի կարողանում ծառայել արվեստին, փոխում էր իր անունը և հեռանում քաղաքից: Ո՞վ է արվեստագետն՝ ըստ Ձեզ: «Առաջին լրատվական»-ի հետ զրույցում անդրադառնալով այս հարցին ՀՀ վաստակավոր արտիստ, դերասան Վանիկ Մկրտչյանը նշեց. «Մեր ժողովուրդը երևի ավելի խելամիտ է, այդ հարցերի շուրջ, անշուշտ, մտածած կլինի: Ամեն ազգ, ամեն մարդ յուրովի է մտածում: Եթե մարդը հասկանում է իր արժեքները, այդ ժամանակ ներկայանում է այնպիսին, ինչպիսին կա… Բարձր ճաշակով արվեստը միշտ գնահատվում է… Արվեստը «Բջնի» կամ «Ջերմուկ» չէ, որ վաճառվի, այն պետք է բարձր մնա»,- ընդգծեց դերասանը՝ հավելելով, որ մշակույթը պետք է ներկայացնել:

Մեր զրուցակցի դիտարկմամբ՝ արվեստագետներն ուրիշ աչքով են նայում՝ մանրադիտակով են նայում աշխարհին և ուզում են ընկալել ժամանակի շունչը:

«Արվեստագետի խիղճն ու հոգին պետք է հանգիստ լինի, որ նա կարողանա մտածել միայն ու միայն արվեստի մասին»,- նշեց Վանիկ Մկրտչյանը:

Մանրամասն՝ տեսանյութում:

  • Դիտումներ՝ *