ՀՀ ԱԺ պետական-իրավական հարցերի մշտական հանձնաժողովը այսօր՝ փետրվարի 25-ին, հրավիրել է խորհրդարանական լսումներ՝ «Հայաստանի Հանրապետության դատական օրենսգիրք» սահմանադրական օրենքում փոփոխություններ և լրացումներ կատարելու մասին»:
Ինչպես նշեց պետաիրավական հանձնաժողովի նախագահ Վլադիմիր Վարդանյանը՝ նեղ անձնական շահերով առաջնորդվող դատավորների տեսակը փոքրամասնություն է կազմում ՀՀ դատական համակարգում. «Համոզված եմ, որ դատական իշխանության մեջ ներգրավված բոլոր սուբյեկտները հավուր պատշաճի կատարում են իրենց պարտականությունները: Դատավորի աշխատանքը տաժանակիր աշխատանք է՝ հաշվի առնելով այն ծանրաբեռնվածությունը, որը դրված է նրանց ուսերին»:
Նա անդրադարձավ նաև փոքրամասնությանը, որոնք թունավորում են դատական իշխանությունը:
«Իրավական պետության հիմքը դատական իշխանությունն է: Դատական իշխանության ներկայացուցիչները պետք է լինեն հասարակական հիերախիայի առաջին շարքում: Մեր իրավունքն է ձեր նկատմամբ հարգանք և վստահություն ապահովել: Ձեր պարտականությունն է իրականացնել արդարադատություն: Մենք ակնկալում ենք ձեզանից ՀՀ հասարակության ակնկալիքներին համահունչ օրենսդրության մշակում»:
Մանրամասները՝ տեսանյութում: