ԳԽ պատգամավոր Վիգեն Խաչատրյանի կարծիքով՝ «Ոչ»-ի շտաբ որևէ քաղաքական ուժ չձևավորեց, իսկ իրավապաշտպաններն ու իրավաբաններն էլ ակտիվ քարոզարշավ չեն իրականացնելու հստակ պատճառով՝ վստահ են, որ իրենց ասած ցանկացած բանին ժողովուրդը հակադրվելու է.«Այդ աստիճանի իրենց նկատմամբ հասարակության մեջ վստահությունը կորած է»,-«Առաջին լրատվական»-ի հետ զրույցում ասաց Խաչատրյանը։
Մեր զրուցակցի դիտարկմամբ՝ իշխանությունների համար դժվար կլինի ապահովել մասնակցություն, բայց անհնար չէ.«Այնպես էլ չէ, որ փակուղակին իրավիճակ է։ Իսկ այն, որ իրենք բացահայտ չեն աշխատում, բոյկոտի դաշտում են՝ հասարակության աջակցության բացակայության պատճառով է։Իրենք էլ վստահ չեն, որ արդյունքի կհասնեն, դրա համար հետ են քաշվել»,-նկատեց Վիգեն Խաչատրյանը։
Մեր այն դիտարկմանը, թե կարևոր քաղաքական դիրքորոշման շուրև իրենց վրա քաղաքական պատասխանատվություն չեն վերցնում, Խաչատրյանն արձագանքեց հետևյալ կերպ.«Քաղաքական պատասխանատվություն վերցրել են ու հայտարարել, որ դեմ են, որ Հայաստանը առաջ շարժվի։ Նրանք վերցրել են զարգացմանը խոչընդոտելու պատասխաանտվություն։ Վստահ են, ինչ էլ ասեն, մարդիկ հակառակն են անելու, ուստի աշխատում են լռել։ Կեղծ հիմնավորում են բերել, թե իշխանություններին թեմա կտան խոսելու։ Թեմա տալու կարիք չկա, թեման տված է, իրենք խոսեն, թե չխոսեն՝ դրանից բան չի փոխվում»։
Անդադառնալով ՀՅ Դաշնակցության և «Լուսավոր Հայաստանի»՝ «Ոչ»-ին տեղամասային հանձնաժողովի անդամներ տալու որոշմանը, Վիգեն Խաչատրյանը նշեց.«Սա նշանակում է, որ իրենք նույն գաղափարախոսությունն են կրում, եթե դա կարելի է գաղափարախոսություն համարել։ Սովորական պոպուլիստներ են»։
