Հեղինակավոր Foreign policy ամսագիրն ու կայքը Հայաստանի վերաբերյալ լայնածավալ հոդված է հրապարակել՝ այն վերնագրելով հետևյալ կերպ. «Դարձրու Հայաստանը կրկին կանաչ»: Հոդվածի հեղինակն այցելել է Արարատի մարզի գյուղերի մեկը, զրուցել նրա բնակիչների հետ, որոնք անդրադարձել են իրենց կենցաղին, ադրբեջանական կողմից պարբերաբար հնչող կրակոցներին, ինչպես նաև խոսել են երկիրը կանաչ դարձնելու մասին:
«Հենվելով խաղաղ հեղափոխության վրա՝ Հայաստանի նոր կառավարությունը՝ նախկին լրագրող Նիկոլ Փաշինյանի գլխավորությամբ, խոստացավ կրկնապատկել երկրի անտառածածկ հատվածը մինչև 2050 թվականը՝ որպես Փարիզի կլիմայի համաձայնագրին Հայաստանի ստանձնած պարտավորությունների մաս:
«Հայաստանը դարձյալ կանաչ դարձնելու» ծրագիրը միտված է կլիմայի փոփոխության, ապօրինի ծառահատումների դեմ պայքարին, կենսաբազմազանության կորուստների և անապատացման դեմ ուղղված բնապահպանական ռազմավարությանը»:
Հոդվածագիրը նշել է, որ Նիկոլ Փաշինյանի վարչակազմի լայնածավալ ծառատունկի ծրագիրը Հայաստանի անտառների վերականգնման հիմնական շարժիչներից մեկն է լինելու:
