Իրանը պատրաստ է Պարսից ծոցի անվտանգության շուրջ բանակցություններ վարել բոլոր կողմերի հետ, ներառյալ Սաուդյան Արաբիան: Այդ մասին լրագրողներին հայտարարել է Իրանի արտաքին գործերի նախարարի ավագ խորհրդական Մեհդի Սանային։
«Իրանը բանակցություններ է առաջարկում Սաուդյան Արաբիայի հետ և պատրաստ է բանակցություններ վարել երկկողմ հարաբերությունների, տարածաշրջանային հարցերի շուրջ: Եվ նաև պատրաստ է դա բացատրել բոլորին և բոլորի հետ աշխատել Պարսից ծոցում անվտանգության ապահովման Հորմուզի պլանի շուրջ»,- հայտարարել է Սանային «Վալդայ» միջազգային դիսկուսիոն ակումբի 9-րդ մերձավորարևելյան խորհրդաժողովի կուլիսներում: Նա նշել է նաև, որ տարածաշրջանի անվտանգությունը հարկավոր է ապահովել տարածաշրջանային նախաձեռնություններով, հաղորդել է ՌԻԱ Նովոստին: