News of the World սկանդալային պարբերականի նախկին աշխատակից Շոն Հորը, որն առաջինը մեղադրեց իր թերթին գաղտնալսումներ կազմակերպելու մեջ, մահացած է հայտնաբերվել Ուոթֆորի իր տանը: Այս մասին հաղորդում է The Guardian-ը: Հայտնի է, որ նա մահացել է երկուշաբթի առավոտյան, սակայն դրա մասին հայտնի է դարձել միայն երեկոյանը:
Հորն աշխատել է ոչ միայն News of the World-ում, այլ նաև The Sun-ում, որը մտնում է Ռուպերտ Մերդոքի կորպորացիայի մեջ: Ոստիկանությունը մահվան ոչ մի վարկած առաջ չի քաշել, սակայն հաղորդել է, որ տարրօրինակ ոչ մի բան դեռ չի հայտնաբերվել:
Հիշեցնենք, որ Հորի The New York Times թերթին տված հարցազրույցից հայտնի դարձավ, որ Մերդոքի կորպորացիայի մեջ մտնող լրատվամիջոցները գաղտնալսել են բազմաթիվ մարդկանց, այդ թվում՝ Մեծ Բրիտանիայի նախկին վարչապետ Գորդոն Բրաունին: Հորի սպանությանը լրացուցիչ առեղծվածություն է հաղորդում այն փաստը, որ այսօր Մեծ Բրիտանիայի խորհրդարանում սկսվում են սկանդալային գործի լսումները: Իսկ Հորն այստեղ լուրջ անձ էր համարվում: