Ճապոնիայում կորոնավիրուսից առաջին մահն է գրանցվել: Սա երկրորդ մահն է Չինաստանից դուրս: Այս մասին հայտարարել է երկրի առողջապահության, աշխատանքի և սոցիալական բարեկեցության նախարար Կացունոբու Կատոն՝ հայտնում է The Japan Times-ը:
Նա ասել է, որ կորոնավիրուսից մահացած կինը մոտ 80 տարեկան էր: Ըստ Կատոյի՝ նա ոչ մի առնչություն չի ունեցել Հուբեյ նահանգի հետ, որտեղից սկսվել է մահացու հիվանդության տարածումը:
Նշվում է, որ կինը փետրվարի 1-ին հոսպիտալացվել է թոքաբորբի համախտաիշով: Նրա վիճակը կտրուկ վատացել է փետրվարի 12-ին, հաջորդ օրը ճապոնացին մահացել է: Իշխանությունները հետաքննում են նրա մահվան հանգամանքները:
The Japan Times-ը հավելում է, որ կինը եղել է Diamond Princess զբոսանավում, որը խարիսխ է գցել Ճապոնիայի ափերին: Ավելի վաղ երկրի իշխանությունները որոշել էին տարեց ուղևորներին թույլ տալ դուրս գալ զբոսանավից, մնացածները կմնան այնտեղ մինչև կարանտինի ավարտը: