Ղազախստանի հարավում տեղի ունեցած զանգվածային անկարգությունները, որոնց ժամանակ զոհվել էր 10 եւ վիրավորվել 43 մարդ, սկսվել են ճանապարհային միջադեպից, հայտարարել է երկրի ներքին գործերի փոխնախարար Ալեքսեյ Կալայչիդին: Դրանից հետո մարդիկ սկսել են տարածել տեսանյութեր սոցիալական ցանցերում, ինչը բերել է կոնֆլիկտի սրմանը:
Առաջինը տեղեկություն տարածվեց, որ բախումները տեղի են ունեցել ազգամիջյան հողի վրա: Ավելի ուշ Ժամբիլյան շրջանի գյուղի բնակիչները, որտեղ տեղի են ունեցել բախումները, ժամանած կառավարական հանձնաժողովի անդամներին հայտարարել էին, որ բախման պատճառը կենցաղային թեմա է եղել: Սակայն Ղազախստանի մարդու իրավունքների և օրենքի գերակայության միջազգային բյուրոն գտնում է, որ այս բախումն «ունի ավելի խորը արմատներ, քան ուղղակի կենցաղային պատճառները»: Ղազախստանի նախագահ Կասիմ-Ժոմարտ Տոկաեւը հայտարարել է, որ «արյունահեղությունը տեղի է ունեցել սադրիչների մեղքով՝ պետական մարմինների ամենաթողության պատճառով»:
«Փետրվարի 5-ին ճանապարհային բախում էր տեղի ունեցել, ինչ-որ մեկը ինչ-որ մեկին ճանապարհը չի զիջել: Խոսքերից անցել են ձեռնամարտի… Մարդիկ առանց մտածելու հետեւանքների մասին սոցցանցերում մեկնաբանություններ էին անում: Արդյունքում երիտասարդների մի մասը ընկավ ազդեցության տակ: Մենք այդ սադրիչներին գտել ենք այլ շրջաններում»,- ասել է Կալայչիդին: