Շաբաթ օրը Ստամբուլում ԱՄՆ պետքարտուղար Հիլարի Քլինթոնը հանդիպել է իր թուրք պաշտոնակցի՝ Ահմեդ Դավութօղլուի հետ։ Հ.Քլինթոնը Վաշինգտոնի հավատարմությունն է հայտնել Թուրքիայի հետ ռազմավարական հարաբերություններին։
Հարցի առնչությամբ «Առաջին լրատվականը» զրուցել է պատմաբան, ՀՀ ԳԱԱ թղթակից անդամ, Պատմության ինստիտուտի տնօրեն Աշոտ Մելքոնյանի հետ։
Նրա խոսքով՝ այդտեղ ոչ մի զարմանալի բան չկա, քանի որ վերոնշյալ երկու երկրներն էլ դաշնակից են։ «Դաշնակից երկրներ են, Թուրքիան էլ փորձեց ինքնուրույն դիմագիծ ցուցաբերել, ԱՄՆ-ն էլ սկսեց սիրաշահել՝ հաշվի առնելով Թուրքիայի դերը ՆԱՏՕ-ում ու տարածաշրջանում»,- ասաց Ա.Մելքոնյանը։
Ինչ վերաբերում է Քլինթոնի այցի շրջանակում ԼՂ հակամարտության վերաբերյալ Դավութօղլուի հետ հարցի շուրջ ունեցած քննարկումներին, ապա, պատմաբանի կարծիքով «ճնշումները կուժեղանան թե՛ մեզ վրա, թե՛ Ադրբեջանի»,- ասաց պատմաբանը։
