Վերջին տարիներին ԱՄՆ-ի տնտեսական նվաճումները չեն նպաստել շարքային ամերիկացիների կենսամակարդակի բարձրացմանը: Այս մասին հայտարարել է Միչիգանի նահանգապետ Գրեթչեն Ուիթմերը՝ ներկայացնելով Դեմոկրատական կուսակցության պատասխանը «Երկրի իրավիճակի մասին» ամենամյա ուղերձին:
«Իրողությունն այն է, որ ԱՄՆ-ում բոլորը չէ, որ այնպիսի աշխատանք ունեն, որը ենթադրի բժշկական ծառայությունների վճարում: Կարևոր չէ, թե նախագահն ինչ է ասում ֆոնդային շուկայի մասին: Կարևոր է, որ միլիոնավոր մարդիկ դժվարությամբ են ծայրը ծայրին հասցնում: Ամսվա վերջին մարդկանց մոտ փող չի մնում տրանսպորտի, դեղորայքի կամ ուսման վարկերի վճարումներից հետո» – նշել է Ուիթմերը:
Ուիթմերի կարծիքով՝ Թրամփի օրոք հարկերի իջեցումից շահել են միայն հարուստ քաղաքացիները: «Երբ նախագահն ասում է, թե տնտեսությունն ուժեղ է, ապա հարց է առաջանում՝ ում համար Է այն ուժեղ», – ասել է նա:
