Ուկրաինայի Վիննիցայի շրջանի բնակիչը տեղի եկեղեցուց գողացել է Սուրբ Նիկոլայի մասունքները և դրանք նվիրել ընկերոջը: Այս մասին հաղորդվում է երկրի ազգային ոստիկանության տարածաշրջանի կայքում:
Իրավապահները կարողացել են հսկիչ տեսախցիկների օգնությամբ հայտնաբերել կողոպտչին: Պարզվել է, որ մասունքները գողացել է նախկինում դատապարտված 37-ամյա ուկրաինացին: Հունվարի 31-ի կեսօրին նա մտել է տաճար և դրանք աննկատ դուրս բերել եկեղեցուց:
Ներկայումս տղամարդը կալանավորված է: Նա բանտից ազատվել էր 2019 թ.-ի մայիսին՝ սպանության համար 14 տարվա պատիժը կրելուց հետո: Այժմ նրան սպառնում է մինչև վեց տարվա ազատազրկում: Սրբի գողացված մասունքներն առգրավվել են հանցագործի ընկերոջից: