Տեղի է ունեցել «Անկախ Հայաստանի պատմության մեջ երկրորդ ցմահ դատապարտյալն ազատ արձակվեց դրական վարքագիծ դրսևորելու շնորհիվ» թեմայով քննարկում։
Ազատ արձակված ցմահ դատապարտյալ Աշոտ Մանուկյանի պաշտպան Նարեկ Ալոյանի խոսքերով՝ մի քանի փաստարկ կար, որոնք թույլ տվեցին ազատ արձակել Մանուկյանին:
«Մենք նշել ենք, որ սոցիալական արդարությունը վերականգնված է, որովհետև առկա է տուժողների իրավահաջորդների ներումը: Բացի այդ, 2014-ի հոկտեմբերի 6-ից անձը բնութագրող բացասական տվյալ չի արձանագրվել: Մանուկյանը 2 գիրք է հեղինակել, որոնցից մեկը վերաբերում է իր զղջմանը: Ընդունվել է բուհ, ստանում է բարձրագույն կրթություն, դրսևորում է բարձր առաջադիմություն: Սա ներկայացրել ենք այն համատեքստում, որ անձն ունի ինքնազարգացման ցանկություն, որը փաստացի, իրացնում է»,-ասաց Ալոյանը:
