Friday, 29 03 2024
00:58
Հայաստանի հավաքականն ընկերական խաղում զիջեց Չեխիային
00:54
Վրաստանի ֆուտբոլի ազգային թիմը Եվրոպայի առաջնության ուղեգիր նվաճեց
22:12
Հայաստանի ֆուտբոլի ազգային թիմը Երևանում զիջեց Կոսովոյին
14:53
2 ոսկե, 1 արծաթե, 1 բրոնզե մեդալներ. աշխարհի գավաթի արդյունքները
15:46
Ավելին կարող էի, կուղղեմ սխալներս. Եվրոպայի կրկնակի չեմպիոն Գոռ Սահակյան
15:44
Ուժերս հավաքեցի, կռիվ տվեցի ու առաջին տեղը գրավեցի. Ալեքսանդրա Գրիգորյան
15:42
Արեցի՝ ինչ կարող էի ու հաղթեցի. Եվրոպայի չեմպիոն Վարազդատ Լալայան
15:41
Չեմպիոնության ճանապարհը հեշտ չէր. Հակոբ Մկրտչյան
15:40
Մեդալի գույնը կապ չունի. կարողացա խոստումս պահել, բարձրացնել մեր դրոշը, Հռիփսիմե Խուրշուդյան
21:10
Զուռնա-դհոլով ու դափնիներով դիմավորեցին չեմպիոններին
16:11
Չեմպիոնության համար էի գնացել, հավատում էի, որ կհասնեմ. Արման Անդրեասյան
16:10
Նախ՝ ադրբեջանցի, հետո էլ՝ թուրք մրցակիցներին հաղթեց 10-0 հաշվով ու դարձավ Եվրոպայի քառակի չեմպիոն
Ինչպես գործարքի գնալ ռուսների հետ․ Մանրամասներ Սևիկյանի տրանսֆերից
300․000 եվրո` Ռուսաստանից գնալու համար․ Հայ ֆուտբոլիստի որոշման արժեքը․․․
Մխիթարյանի պատմական ցուցանիշը․ Հայ ֆուտբոլիստը` լավագույն հնգյակում
12:45
Հայաստանի ռեկորդն առանց աշխարհի չեմպիոնի
Լավագույն տղերքը վերադառնում են․ Ֆուտբոլը փրկելու առաջին քայլը․․․
Ռուսաստանի լավագույններն առանց ռուսների․ Ո՞վ կհաջորդի Զախարյանին
«Փյունիկի» պատասխանը ՀՖՖ-ին․ Արթուր Սողոմոնյանը կփոխի՞ որոշումը
Սպերցյանը՝ «Յուվենտուսի» դիտակետում․ Ե՞րբ կկայանա գործարքը
Տարվա գործարքը․ Նոր պայմաններ Հայաստանի լավագույն ֆուտբոլիստի համար
Հաղթել ենթախմբում․ Ինչ է սպասվում Հայաստանի հավաքականին 2024 թվականին
Հայաստան-Ալբանիա․ 2024 թ․ առաջին մեծ իրադարձությունը հայկական սպորտում
2023 թվականի Հայաստանի 10 ամենթանկ ֆուտբոլիստները
12:40
Պատական հաջողություն Երևանում․ 2023 թվականի ոսկե փայլատակումը հայկական սպորտում
12:40
+128 մեդալ․ Հայաստանի նոր ռեկորդը սպորտում
Ինչ է արել Պետրակովը Հայաստանի հավաքականի համար․ Թվեր և փաստեր
Ալեքսանդր Պետրակովը՝ Հայաստանի 2023 թ. լավագույն մարզիչ
Հենրիխ Մխիթարյանը՝ Հայաստանի 2023 թ. լավագույն ֆուտբոլիստ
ՀՖՖ-ի որոշումը Պետրակովի վերաբերյալ․ Գալիք տարվա մեր նպատակը․․․

Բանակի մարզական վաշտի դերը ուժեղ ֆուտբոլ ունենալու գործընթացում․․․

Տարիներ շարունակ շատ էր խոսվում մի խնդրի մասին, որը օբյեկտիվ պատճառով խոչընդոտում էր մեր երկրում ֆուտբոլի զարգացմանը։ Խոսքը վերաբերվում էր պատանի ֆուտբոլիստների բանակ զորակոչվելուն։ Մասնավորապես 2 տարի պարտադիր զինվորական ծառայություն անցնելուց հետո ֆուտբոլիստների գերակշռող մասն ավարտում էր կարիերան։ Դրա հետևանքով տասնամյակների ընթացքում հայկական ֆուտբոլը կորցրել է բազմաթիվ կադրերի, որոնք կարող էին մեծապես օգնել Հայաստանի հավաքականներին։ Ժամանակին պարտադիր զինվորական ծառայությունից տարկետում էին ստանում այն ֆուտբոլիստները, որոնք հրավիրվում էին պատանեկան հավաքականներ։

Այսօր ևս գործում է այս օրենքը, բայց նախկինի համեմատ այն գործում է օրենքի տառին համապատասխան։ Մասնավորապես, նախքան թավշյա հեղափոխությունը զինվորական ծառայությունից տարկետում էին ստանում այնպիսի ֆուտբոլիստներ, որոնց մենք չէինք տեսնում հավաքականներում։ Ավելին, հավաքականներ հրավիրվում և տարկետում էին ստանում նաև ֆուտբոլիստներ, որոնց ընտրում էր ՀՖՖ-ի նախկին նախագահ Ռուբեն Հայրապետյանը։ Քիչ չեն դեպքերը, երբ Հայարպետյանի հավանությանը չարժանացած տաղանդավոր պատանի ֆուտբոլիստները հենց ՀՖՖ նախագահի ջանքերով զորակոչվել են բանակ և հրաժեշտ տվել ֆուտբոլին։ Ըստ վիճակագրական տվյալների մինչև 2018 թվականը տարկետում ստացած ֆուտբոլիստների մոտ 95 տոկոսը Երևանից է։ Այսինքն տասնամյակներ շարունակ մեր երկրում մարզային ֆուտբոլն ուղղակի դոփել է տեղում։ 2018 թվականին մասնավորապես ՀՖՖ-ի և ՀՀ Պաշտպանության նախարարության ջանքերով Հայաստանում վերաբացվեց սպորտային վաշտը՝ ԲԿՄԱ-ն։ Այն թույլ է տալիս առավել աչքի ընկած ընկած մարզիկներին զինվորական ծառայությունն անցնել սպորտային վաշտում։ Բանակի կենտրոնական մարզական ակումբը Հայաստանին առաջին անգամը չէ: Երկուհազարականների սկզբին այս մարզական ակումբը գործում էր, ու Եվրոպայի ու առաջնության մրցանակակիր մազիկները, որոնք բանակային տարիքի էին, հնարավորություն էին ստանում բանակում ծառայելու հետ մեկտեղ նաև մարզվել ու շարունակել ներկայացնել Հայաստանը տարբեր մրցասպարեզներում: Ակումբը սակայն երկար կյանք չունեցավ և խնդիրը կրկին դարձավ օրակարգային։ Ինչևէ, անցյալ տարի ստեղծվեց նաև Երևանի ԲԿՄԱ ֆուտբոլային ակումբը, որը մասնակցում է Հայաստանի առաջին խմբի առաջնությանը։ Նշենք, որ ԲԿՄԱ-ն գործում է Հայաստանի ֆուտբոլի ֆեդերացիայի ենթակայության ներքո։ Այս թիմում են հավաքագրվել բոլոր այն ֆուտբոլիստները, որոնք ունեն պոտենցիալ և կարող են օգտակար լինել Հայաստանի հավաքականներին։ Այսօր Հայաստանի մինչև 19 տարեկանների հավաքականի կորիզը կազմում են հենց ԲԿՄԱ-ի ֆուտբոլիստները։

Մարզական վաշտի ստեղծումը կարելի է համարել կարևորագույն խթան ֆուտբոլի զարգացման գործընթացում։ Նշենք, նաև, որ մեր երկրում առկա ֆուտբոլային ակումբների հետ համատեղ համագործակցության շնորհիվ է հնարավոր եղել հավաքագրել ֆուտբոլիստներին: Նրանք, փաստացի, վարձակալությամբ են հանդես գալիս ԲԿՄԱ-ում և այդպես լրանալու է նրանց երկու տարվա զինծառայության ժամկետը: Դրանից հետո, ֆուտբոլիստները վերադառնալու են իրենց ակումբներ: Որպեսզի բանակի մարզական ակումբի գաղափարն ավելի պատկերավոր լինի փորձենք հասականալ, թե վերաբացված ԲԿՄԱ ֆուտբոլային թիմն ինչ դրական հետևանք կարող է ունենալ հայկական ֆուտբոլի համար։ Հավաքագրվելով միևնույն ակումբում մեր հեռանկարային ֆուտբոլիստները երկու տարի շարուրունակ խաղում են միասին։ Մասնավորապես, Հայաստանի մինչև 19 տարեկանների հավաքականի ֆուտբոլիստները ըստ էության նույն կազմով և նույն թիմով շարունակ մարզվում են միասին, մասնակցում Հայաստանի առաջին խմբի առաջնության հանդիպումներին։ Խաղացվածության, ձևավորված թիմ ունենալու տեսանկյունից սա ուղղակի իդեալական դաշտ է։

Այս առումով Հայաստանի մինչև 19 տարեկանների հավաքականը առավելություն ունի եվրոպական մյուս հավաքականների նկտամամբ, որտեղ ֆուտբոլիստները հավաքագրվում են տարբեր թիմերից և քիչ ժամանակ է հատկացվում միասին մազվելու և խաղային ձեռագիր ստեղծելու համար։ Երկու տարի միասին, ԲԿՄԱ-ի և հավաքականի մարզաշապիկով խաղալը հիանալի ռեզերվ կստեղծի Հայաստանի գլխավոր հավաքականի համար, որը կանգնած է կադրային խնդիրների առաջ և սերնդափոխությունն անխուսափելի է։ Վաղը մենք կարող ենք ունենալ ֆուտբոլային մի կորիզ, որի մաս կազմող ֆուտբոլիստները 5 մատի պես գիտեն միմյանց։ Չմոռանանք, որ 19 տարեկան հավաքականի ֆուտբոլիստների երևի թե հիմնական մասը շուտով կընդգրկվի նաև մինչև 21 տարեկանների՝ երիտասարդական հավաքական։ Կարճ ասած անցյալ տարի հայկական ֆուտբոլում և սպորտում գործի դրվեց իսկապես արդյունավետ մի մեխանիզմ, որի պտուղները մենք կքաղենք մոտակա տարիներին։ Այսօր այլևս չկա վտանգ, որ տաղանդավոր ֆուտբոլիստը դառնալով 18 տարեկան և բանակ զորակոչվելով ուղղակի կկորչի ֆուտբոլի ասպարեզում։

ԲԿՄԱ-ի գոյությունը կմեծացնի նաև մրցակցությունն ու մոտիվացիան իսկապես լավ ֆուտբոլիստ և մեր պետության համար օգտակար մարզիկ դառնալու։

Բաժիններ
Ուղիղ
Լրահոս
Որոնում