Ամերիկյան երգչուհի Բիլի Այլիշը «Գրեմմի» մրցանակի է արժանացել «Տարվա լավագույն փոփ-ալբոմ» անվանակարգում՝ «When We All Fall Asleep, Where Do We Go?» ձայնասկավառակի համար։ Այս մասին տեղեկացնում է մրցանակաբաշխության կայքը։
Այս անվանակարգում հաղթանակի էին հավակնում նաև Արիանա Գրանդեն (Thank u, next), Թեյլոր Սվիֆթը՝ (Lover), Բեյոնսեն (The Lion King: The Gift), ինչպես նաև Էդ Շիրանը (No.6 Collaborations Project)։
Այլիշի կարիերայում «Գրեմմիի» առաջադրվելը դեբյուտային էր։ Ընդհանուր առմամբ նա ներկայացվել էր վեց անվանակարգերում, այդ թվում՝ «Տարվա երգ», «Տարվա ալբոմ», «Լավագույն նոր կատարող», «Տարվա լավագույն ձայնագրություն» և «Լավագույն փոփ-սոլո կատարում»։
Այս տարի անց է կացվում «Գրեմմիի» 62-րդ մրցանակաբաշխությունը։ Միջոցառումը վարում է երգչուհի Ալիշա Քիզը, որն իր կարիերայի ընթացքում 15 «Գրեմմի» մրցանակ է ստացել։