Այսօր՝ հունվարի 21-ին, Ազգային ժողովում շարունակվում է հերթական նիստի աշխատանքը:
Անդրադառնալով քննիչ հանձնաժողովի ստեղծման հարցին՝ «Լուսավոր Հայաստան» խմբակցության պատգամավոր Անի Սամսոնյանը նշեց, որ ուսումնասիրության արդյունքում հայտնաբերվել են որոշակի պատճառահետևանքային կապեր, որոնք իրենց մեջ պարունակում են կոռուպցիոն ռիսկեր. «Այն ընկերությունները, որոնք գույք են փոխանցել համայնքին, ստացել են նաև որոշակի թույլտվություններ քաղաքապետարանից»:
«Ես տարակուսած եմ. դուք վերցնում եք այն հիմնական լիազորությունը, որը պատկանում է ավագանուն: Ինչո՞ւ ձեր ավագանին սա չի նախաձեռնել»,- Անի Սամսոնյանին հարցրեց «Իմ քայլը» խմբակցության պատգամավոր Գայանե Աբրահամյանը՝ հավելելով, որ փաստորեն իրենք չեն վստահում ավագանու «Լույս» խմբակցությանը:
Գայանե Աբրահամյանն առաջարկեց ինստիտուցիոնալ լուծումներ գտնել. «Այսօր քննիչ հանձնաժողով ստեղծելը դա չի լուծելու երկարաժամկետ կտրվածքով»:
Մանրամասները՝ տեսանյութում: