Քաղաքական հետազոտությունների ավագ փորձագետ, թուրքագետ Լևոն Հովսեփյանը, «Առաջին լրատվական»-ի հետ զրույցում խոսելով հակահրթիռային ռադարի՝ Թուրքիայում տեղակայման մասին և այդ առիթով հուլիսի 15-16 կազմակերպված քննարկումներից, ասաց.
«Առաջին փաստաթուղթը ՆԱՏՕ-ի Լիսաբոնյան գագաթնաժողովն էր, որտեղ Թուրքիան նախապայմաններ առաջարկեց՝ Իրանի, Իսրայելի հետ կապված, որոնք իր օգտին դրսևորելով՝ նա համաձայնեց և մաս կազմեց այդ համակարգում։ Այս անգամ, կարծում եմ, կքննարկվեն դետալները, տեխնիկական, կառավարման մասի հետ կապված հարցադրումները և չեմ կարծում, որ Թուրքիան հիմա ինչ-որ կերպ հրաժարվի հակահրթիռային պաշտպանության համակարգի մաս կազմելուց։
Թուրքագետը նաև հայտնեց, որ Հայաստանի հետ կապված խնդիր չի տեսնում։
«Թուրքիան մաս է կազմում այդ համակարգում, և ռադարը կտեղադրվի։ Ինքը իր նախապայմանների դիմաց երաշխիքներ ստացել է։ Հիմա Թուրքիան զգոնություն է պահում Իրանի հանդեպ և չեմ կարծում՝ նախապայմաններից հրաժարվի։
Կարծում եմ՝ նաև Թուրքիան կբարձրացնի այն խնդիրը, որ զինվորական անձնակազմ ներգրավվի և ինքը կառավարան մասով մասկցություն ունենա, որպեսզի վերահսկողության մեխանիզմ ձևավորի»։
Նա նաև հավելեց. «Կարևոր է նաև, որ Թուրքիան, բացի ՆԱՏՕ-ի միասնական այս համակարգից, փորձում է ստեղծել սեփական հակաօդային պաշտպանության համակարգ»։
