ԱՄՆ նախագահ Դոնալդ Թրամփը հեռախոսազրույց է ունեցել Ավստրալիայի վարչապետ Սքոթ Մորիսոնի հետ և օգնություն առաջարկել երկրի հրդեհների դեմ պայքարում, հաղորդում է Hill-ը՝ Սպիտակ տան աղբյուրին հղումով:
Գերատեսչության խոսնակը նշել է, որ Թրամփը խորին ցավակցություն է հայտնել տուժածներին, ինչպես նաև հրշեջներին և զոհերի հարազատներին:
Ավստրալիայում արդեն միլիոնավոր հեկտար հողեր են այրվել բնական աղետի պատճառով: Վերջին ամիսների հրդեհների հետևանքով զոհվել է 17 մարդ: Հրդեհը ոչնչացրել է մոտ հազար տուն: Ըստ որոշ գնահատականների, մահացել են 8 հազար կոալաներ և հարյուր հազարավոր այլ կենդանիներ: Որոշ տեղերում հրդեհի ուժը և ծխի խտությունը թույլ չեն տալիս մարել այն օդից: Իշխանությունները ռազմածովային նավեր և ինքնաթիռներ են ուղարկում տուժած տարածքներ: Երկրի հարավ-արևելքում լայնածավալ տարհանում է ընթանում:
