ԱՄՆ նախագահ Բարաք Օբաման հայտարարել է, որ կփրկի Ռուսաստանի նախագահ Վլադիմիր Պուտինին, եթե նա խեղդվելիս լինի, Twitter-ի իր էջում հայտնում է ԱՄՆ նախագահի մամլո ծառայության աշխատակից Զեյք Միլերը:
«Ես, իհարկե, կփրկեմ նախագահ Պուտինին, եթե նա խեղդվելիս լինի: Կուզենայի հավատալ, որ ով էլ խեղդվելիս լինի, ես կկարողանամ փրկել նրան: Ես վատ լողորդ չեմ, մեծացել եմ Հավայան կղզիներում, մեծ փորձ ունեմ»,- Օբամայի խոսքը մեջբերում է Ria Novosti-ն:
Ապրիլի 17-ին ռուսների հետ «ուղիղ կապի» ժամանակ պատասխանելով 6-ամյա Ալբինայի հարցին Ռուսաստանի նախագահ Վլադիմիր Պուտինը վստահություն է հայտնել, որ եթե ինքը խեղդվելիս լիներ, ԱՄՆ նախագահ Բարաք Օբաման իրեն կփրկեր:
