«2019թ. Տավուշի մարզում մեծածավալ ծրագրեր իրականացվեցին, ինչը ոչ միայն սոցիալական նշանակություն ունի, այլ նաև բազմակողմանի ազդեցություն և խոշոր տնտեսական նշանակություն»,- «Առաջին լրատվական»-ի հետ զրույցում, խոսելով այս տարվա ընթացքում ունեցած ձեռքբերումներից, ասաց Տավուշի մարզպետ Հայկ Չոբանյանը՝ հավելելով, որ 2019-ին կառավարությունն իր վարքագծով ցույց է տվել, որ պատրաստ է գործընկեր լինել բիզնեսի և ներդրողի հետ՝ լուծելով ենթակառուցվածքային խնդիրները:
Մարզպետի խոսքով՝ կարևոր ձեռքբերումներից է նաև Տավուշով անցնող միջպետական ճանապարհի շինարարությունը, մինչև Վրաստանի սահման. «Տավուշում մեծ ծավալի ճանապարհաշինարարական աշխատանքներ են իրականացվել, մոտ 125կմ, այդ թվում վերանորոգվել են նաև սահմանապահ գյուղերի ճանապարհները, մասնավորապես Կարմիրաղբյուր գյուղի ճանապարհն ասֆալտապատվել է:
Մարզպետի հավաստմամբ՝ հուլիսին ««Իմ քայլը» Տավուշում» համաժողովի ընթացքում շուրջ 40 բիզնես պրոյեկտ է ներկայացվել, որոնց մեծ մասն արդեն ընթացքի մեջ է: Մարզպետը ձեռքբերում է համարում նաև այն, որ գյուղատնտեսական ծրագրերում պետությունն այնպես է անում, որ սահմանամերձ գյուղերի քաղաքացիների վարկը լինի որպես փոխառություն:
Անդրադառնալով վարչապետ Փաշինյանի հայտարարությանն այն մասին, որ պետական համակարգը դիմադրում է հեղափոխությանը, մարզպետը նկատեց, որ մարզային համակարգում ևս կա դիմադրություն. «Այո՛, մենք իսկապես ունենք պետական կառավարման համակարգի ճգնաժամ… Մենք կարծես թե փոխել ենք պետական մեքենայի արտաքինը, բայց չենք փոխել շարժիչը»:
Մանրամասն՝ տեսանյութում: