Երևան-Անկարա հարաբերությունների կարգավորման գործընթացը շանտաժի միջոց է ընդդեմ Բաքվի
«Կարելի է ասել՝ 2019թ. Թուրքիային չհաջողվեց կյանքի կոչել այսպես կոչված «Նոր Թուրքիայի գաղափարը», տեղի ունեցան ՏԻՄ ընտրություններ, որոնք պետք է հաջորդեին խորհրդարանական և նախագահական ընտրություններին, բայց նախորդեցին այդ ընտրություններին…. տեսանք, որ իշխող ԱԶԿ կուսակցությունը շատ լուրջ հարվածներ ստացավ Թուրքիայի երեք խոշոր քաղաքներում՝ Անկարա, Ստամբուլ, Անտալիա, Իզմիր: Էրդողանը շատ մեծ հարված ստացավ, որ իր կուսակցությունը պարտվեց այս քաղաքներում, ընդդիմությունը հաղթեդց նաև քուրդ ընտրազանգվածի աջակցության շնորհիվ, այնպես որ Էրդողանի «Նոր Թուրքիայի» հետ կապված պլանները մի փոքր խախտվեցին: «Նոր Թուրքիան առանց Ստամբուլի, որը երկրի ֆինանսական մայրաքաղաքան է, մի փոքր այն չէ: Ամեն դեպքում Էրդողանը կշարունակի «Նոր Թուրքիայի» հռչակման ուղղությամբ իմ քայլերը»»,-«Առաջին Լրատվական»-ի հետ զրույցում ասաց թուրքագետ, ՄԱՀԻԻ ասոցացված փորձագետ Հայկ Գաբրիելյանը:
Անդրադառնալով հայ-թուրքական հարաբերություններին՝ մեր զրուցակիցը շեշտեց, որ որևէ բեկում չի սպասում, քանի դեռ Թուրքիայում իշխում է Ռեջեփ Էրդողանը, իսկ Ադրբեջանում՝ Իլհամ Ալիևը: «Այն օրը, երբ Թուրքիան կբացի Հայաստանի հետ սահմանը, դա կնշանակի Ալիևի ավելի քան 15 տարի վարած քաղաքականության տապալում, ձախողում՝ ուղղված Հայաստանը տնտեսապես շրջափակելուն: Որպեսզի դա տեղի չունենա, Ադրբեջանը անընդհատ սնում է Թուրքիային տնտեսական նոր նախագծերով»,-հավելեց Գաբրիելյանը:
Հարցազրույցն ամբողջությամբ՝ տեսանյութում: