Չնայած մինչև Նոր տարին դեռ բավական ժամանակ կա, բայց արդեն կարելի է ծրագրել, թե որտեղ կարելի է դիմավորել այն:
Նոր 2020 թվականը կարելի է դիմավորել ընտանեկան ջերմ միջավայրում, կարելի է նաև տոնել Եվրոպայում կամ նույնիսկ տաք երկրներում: Ամեն ինչ կախված է ձեր ֆինանսական հնարավորություններից:
Հանգստի կատարյալ ամանորյա միջավայր կլինի Ֆինլանդիայում, Նորվեգիայում, Շվեյցարիայում, Շվեդիայում, սակայն սրանք բավական թանկ տարբերակներ են:
Ներկայացնում ենք ICTV հեռուստաալիքի առաջարկած ուղղությունները, որտեղ կարելի է համեմատաբար մատչելի հանգիստ կազմակերպել:
Գդանսկ. շատ գեղեցիկ քաղաք է Բալթիկ ծովի ափին: Գդանսկում Նոր տարին իրոք հեքիաթային կթվա Հին քաղաքում: Այս հատվածում մեծ քանակությամբ փոքր ռեստորաններ կան, որտեղ կարող եք ճաշակել լեհական և այլ խոհանոցների ուտեստները, այստեղ կարելի է նաև զբոսնել փողոցներում, որոնք ամանորյա տոնական լույսերի ներքո իրոք հեքիաթ են հիշեցնում:
Վիլնյուս. ձմռանը Լիտվայի մայրաքաղաքը կդիմավորի զբոսաշրջիկներին անմոռանալի գեղեցկությամբ:
Մայր տաճարի հրապարակում է դրվում երկրի գլխավոր տոնածառը, որը աշխարհի լավագույն տոնածառներից է համարվում:
Բուդվա. իսկ ակտիվ հանգստի երկրպագուների համար լեռնադահուկային հանգստավայրեր կան Չեռնոգորիայում՝ Ժաբլյակն ու Կոլաշինը: Նախ, դրանք շատ թանկ չեն, երկրորդ՝ գեղեցիկ են, երրորդ՝ հարմարավետ:
Պրահա. Չեխիայի մայրաքաղաքը հրավիրում է հնագույն գեղեցկությունը գնահատողներին:
Գլխավոր հրապարակում կարելի է շատ ուրախ դիմավորել Նոր տարին այլ զբոսաշրջիկների և տեղի բնակիչների ընկերակցությամբ: Այստեղ ողջ գիշեր աշխատում են ավանդական ուտեստներով և խմիչքներով տոնավաճառները:
Մյունխեն. սա այն խիստ գերմանական քաղաքը չէ, որին մենք սովոր ենք: Այն կերպարանափոխվում է և ապրում է ամանորյա տրամադրությամբ: Հանգիստ այստեղ հարմար է երիտասարդ զույգերի և ընկերախմբերի համար:
Փարիզ. դե իհարկե անհնար է չհիշել Փարիզի մասին: Քաղաքը Ամանորին զարդարվում է վառ լույսերով, իսկ հանգստացողներին դիմավորում են ոչ միայն մայրաքաղաքի ավանդական տեսարժան վայրերը, այլև դիմակահանդեսները, թեմատիկ տոնավաճառները, երեկույթները, սառցադաշտերն ու թատերականացված ներկայացումները: