«2019 թվականը նշանավորվեց նրանով, որ տարին արդեն իսկ մենք ոտք դրեցինք՝ ունենալով օրինական ընտրված Ազգային ժողով, և ընտրվեց նաև կառավարությունը, որը ակտիվ գործունեություն ծավալեց բոլոր հնարավոր ֆրոնտներում»,- ամփոփելով 2019 թվականը՝ «Առաջին լրատվական»-ի հետ զրույցում նշեց փաստաբան Կարապետ Բադալյանը:
Նրա խոսքով՝ կատարվեցին քայլեր ազատվելու այն բեռից, որն իր հետ բերել էր Հանրապետական կուսակցության իշխանությունը. «Հստակ ընթացք ստացավ կոռուպցիայի դեմ պայքարը, և նախագծեր մշակվեցին բոլոր դատարաններում, այդ թվում՝ Սահմանադրական դատարանում փոփոխություններ կատարելու համար: Ցույց տրվեց այն ոչ լեգիտիմ բնույթը, որն ունի Սահմանադրական դատարանը»:
Մեր զրուցակցի համոզմամբ՝ Սահմանադրական դատարանին տրված գնահատականին կհետևեն գործողություններ, որոնք շատ արագ կհանգեցնեն փոփոխությունների:
Հարցին՝ ի՞նչ կարևոր ձեռքբերումներ ունեցավ Հայաստանը 2019 թվականին, Կարապետ Բադալյանը պատասխանեց. «Վարչապետի ներկայացրած 100 փաստը այն ժամանակ էր 100 փաստ, հիմա դրանք շատ ավելի շատ են, և օրեցօր աճում են այն փաստերը, որոնք փաստում են հեղափոխության նվաճումների մասին: Ինձ համար ամենատպավորիչը ճանապարհների փոփոխությունն էր. երկար տարիներ մենք ունեինք քանդված ճանապարհներ, որոնք չէին նորոգվում»:
Հարցազրույցն ամբողջությամբ՝ տեսանյութում: