Սլավյանսկում անհայտ անձանց և գրոհայինների միջև փոխհրաձգություն է սկսվել քաղաքի ծայրամասում: Հաղորդվում է, որ դեպքը տեղի է ունեցել Ուկրաինայի ներքին զորքերի կողմից երեկ գրավված Սվյատոգորսկի կողմից Սլավյանսկի մուտքի մոտ: Փոխհրաձգության հետևանքով երկու տղամարդ է զոհվել, կան նաև վիրավոևներ: Այս մասին հայտնում է Slavgorod.com.ua-ն:
Քաղաքային կենտրոնական հիվանդանոցից հաստատել են, որ լուրջ մարտ է ընթանում, շարունակում են տուժածներ և սպանվածներ տեղափոխվել:
Իր հերթին Սլավյանսկի գրոհայինների ներկայացուցիչը հայտնել է, որ 40 րոպե առաջ Սլավյանսկից Սվյատոգորսկ ուղղությամբ ճանապարհին զինված անձանց խումբ էր հայտնաբերվել: «Կոմբիկորմոչնիյ» անցակետից այնտեղ խումբ է ուղարկվել, սակայն խմբի ուղղությամբ անտառաշերտից կրակ է բացվել: Նրանց տվյալներվ՝ կա մեկ վիրավոր և մեկ զոհ:
