Երեկ Չինաստանի արտաքին գործերի նախարարության պաշտոնական ներկայացուցիչ Հուն Լեյը ասել է, որ իր երկիրը կտրականապես դեմ է օտարերկրյա քաղաքական գործիչների և Դալայ Լամայի հանդիպումներին՝ պատասխանելով այն հարցին, թե ինչպես է Չինաստանը վերաբերվում ԱՄՆ նախագահ Բարաք Օբամայի և Դալայ Լամայի հանդիպմանը: Այս մասին հաղորդում է Xinhua գործակալությունը:
Չինացի դիվանագետն ասել է, որ Տիբեթի ինքնիշխանության և Չինաստանի տարածքային ամբողջականության խնդիրները Չինաստանի ներքին հարցն է՝ հավելելով, որ Չինաստանի արտգործնախարարությունը և ԱՄՆ-ում Չինաստանի դեսպանատունը լուրջ բողոք են հղել ամերիկյան իշխանություններին այս կապակցությամբ: Չինացիների զգուշացրել են ամերիկյան կողմին խիստ հետևել «իրենց իսկ կողմից արված հայտարարություններին՝ ճանաչելու Տիբեթը որպես Չինաստանի անբաժանելի մաս, անհապաղ չեղյալ հայտարարել Օբամայի հանդիպումը Դալայ Լամայի հետ և հրաժարվել այնպիսի գործողություններից, որոնք ուղղված են Չինաստանի ներքին գործերին միջամտելուն և ամերիկա-չինական հարաբերությունները վնասելուն»:
