Կանադան 500 ներկայացուցիչ կուղարկի մայիսի 25-ին նախատեսված Ուկրաինայի նախագահական ընտրություններին դիտորդական առաքելություն իրականացնելու համար՝ հայտնում է CBC հեռուստաալիքը՝ հղում անելով Կանադայի վարչապետ Սթիվեն Հարփերին:
Հաղորդվում է, որ 338 մարդ կմասնակցի ընտրությունների դիտորդական առաքելության իրականացմանը: Կանադայի ևս 162 ներկայացուցիչ, որոնցից 12-ը՝ խորհրդարանականներ, կմիանան ԵԱՀԿ դիտորդներին:
Ավելի վաղ Հարփերը հայտնել է, որ ՆԱՏՕ-ի օդային ոստիկանության առաքելության ուժեղացման շրջանակում Կանադան Լեհաստան կուղարկի 6 հատ CF-18 կործանիչ՝ կապված Ուկրաինայի ճգնաժամի հետ: