Ֆրանսիայում նախարարների կաբինետի նիստի ժամանակ ՆԳ նախարար Բեռնար Կազնևը գերատեսչության իր գործընկերներին ներկայացրել է ծրագիր, որը կօգնի խոչընդոտել ջիհադիստների`արտասահման մեկնելուն: Այս մասին գրում է RIA Novosti-ն:
Ֆրանսիայի ՆԳ նախարար Բեռնար Կազնևը եվրոպական երկրներին կոչ է անում սերտորեն համագործակցել այն արմատականների ելքը թույլ չտալու նպատակով, ովքեր ցանկանում են մասնակցել Սիրիայում զինված հակամարտությանը իսլամիստ գրոհայինների կողմից:
Միջոցառումների փաթեթը մոտ տասնյակ առաջարկություններ է պարունակում, որոնցից հիմնականները վերաբերում են պոտենցիալ ծայրահեղականներին հայտնաբերելուն և նրանց մասին Շենգենի տեղեկատվական համակարգին տեղեկացնելուն:
Առաջարկվում է նաև «թեժ գիծ» և հատուկ կայք ստեղծել, որին կարող են դիմել այն ընտանիքների անդամները, ովքեր իրենց հարազատներին կասկածում են ծայրահեղականների հետ կապի մեջ: