Քաղաքացիները ՀՀ սահմանադրությամբ ամրագրված իրավունք ունեն անել որոշակի գործողություններ, հայտարարություններ անել, իրենց կարծիքը հնչեցնել. Հայաստանում կա խոսքի ազատության իրվունք, որը մարդիկ իրացնում են։ Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության ղեկավար Լիլիթ Մակունցը՝ անդրադառնալով ի պաշտպանություն Ռոբերտ Քոչարյանի մշակույթի գործիչների տարածած հայտարարությանը։
Ինչ վերաբերում է Ռոբերտ Քոչարյանի գործին կամ ցանկացած այլ իրավական գործընթացին առնչվող մեկնաբանություններին, Մակունցն ասաց. «Մենք ոչ մեղադրող, ոչ էլ պաշտպանող կողմն ենք։ Եվ հարցադրումներն էլ չեն կարող լինել քաղաքական համատեքստում։ Հետևաբար, իրավական պրոցեսներին առնչվող ցանկացած հարցրում պետք է արվի համապատասխան մարմիններին»։
