Ամենամյա մամուլի ասուլիսում ՌԴ նախագահ Վլադիմիր Պուտինը հնարավոր է համարել Ռուսաստանի սահմանադրության մեջ փոփոխությունները։ Նա նշել է, որ կարելի է չեղարկել «անընդմեջ» ձևակերպումը հոդվածում, որտեղ խոսքը նախագահական երկու ժամկետի սահմանափակման մասին է: Իրավաբաններն ու քաղաքագետները տարակերպ են ընկալել այս հայտարարությունը՝ գրում է bbc.com-ը:
Ըստ Պուտինի՝ հիմնական օրենքում «ամեն ինչ կարելի է փոխել այս կամ այն կերպ՝ բացառությամբ առաջին հոդվածի»: «Ի՞նչ կարելի է անել այս [նախագահական] պայմանների առնչությամբ՝ վերացնել «անընդմեջ» ձևակերպումը»,- առաջարկել է նախագահը:
«Ձեր խոնարհ ծառան երկու ժամկետ ծառայել է, այնուհետև հեռացել այդ պաշտոնից և սահմանադրական իրավունք ունեցել վերադառնալու նախագահի պաշտոնին, որովհետև դա արդեն «անընդմեջ» չէր», – հիշեցրել է նա:
«Դա մեր որոշ քաղաքագետների, հասարակական գործիչների զայրացնում է: Դե, կարելի է հավանաբար չեղյալ համարել այն», – հավելել է Պուտինը: