Իրանում ուրանի հարստացման նորագույն IR-9 ցենտրիֆուգի փորձարկումներ են ընթանում: Այս մասին հայտարարել է Իրանի նախագահ Հասան Ռոհանին Մալայզիա կատարած այցի ընթացքում, հաղորդել է «ՌԻԱ Նովոստին»:
«Չնայած պատժամիջոցներին և տնտեսական ճնշումներին՝ մենք առաջադիմում ենք միջուկային ոլորտում: Այսօր մեզ մոտ նոր IR-6 ցենտրիֆուգներ են աշխատում, իսկ IR-9 ցենտրիֆուգները փորձարկվում են»,- ասել է Ռոհանին:
Իրանի Ատոմային էներգիայի կազմակերպության ղեկավար Ալի Աքբար Սալեհին ավելի վաղ հայտարարել էր, որ ուրանի հարստացման նորագույն ցենտրիֆուգի հզորությունը, որի վրա աշխատում է Իրանը, 50 անգամ ավելին է, քան հիմնական IR-1 ցենտրիֆուգինը:
Ինչպես նաև Reuters-ը՝ հղում անելով ՄԱԳԱՏԷ-ի զեկույցին, հաղորդել է, որ Իրանի միջուկային օբյեկտներում արդեն տեղադրվել են IR-9 տիպի ցենտրիֆուգներ, ինչպես նաև մի շարք ուրիշներ, որոնք նախատեսված չեն միջուկային համաձայնագրով: