«ՀԺ»-ն գրում է. «Ազգային ժողովի աշխատակազմը աճուրդի կհանի իրեն ամրակցված 17 միավոր տրանսպորտային միջոց։
Պետական գույքի կառավարման վարչության պետ Արման Սահակյանը կառավարությանն է ներկայացրել դասական աճուրդ կայացնելու նախագիծը՝ այսօրվա նիստում քննարկելու համար։
Օտարվող մեքենաների մեծ մասը ԳԱԶ մակնիշի են՝ ԳԱԶ-3110, ԳԱԶ-3102՝ ամենահինը 1987 թ. արտադրության։ Գերակշռում են 1999 և 2003 թթ. արտադրության մեքենաները։ Վաճառքի են հանվել նաև 1 հատ «Միցուբիշի Գալանտ» և 2 «Պեժո» մակնիշի ավտոմեքենաներ։ 17 միավոր ավտոմեքենայի ընդհանուր արժեքը գնահատվել է 23 միլիոն 21 հազար դրամ։
Մեծ քանակի գույք օտարել է պատրաստվում նաև ԱՎԾ-ն։ Խոսքը էլեկտրոնային սարքերի և կահույքի մասին է։ 227 միավոր գույքի մեկնարկային ընդհանուր արժեքը կազմում է ընդամենը 540 հազար 800 դրամ»։
Մանրամասները՝ թերթի այսօրվա համարում:
